بہت سے شہروں میں مسلمان خوف محسوس کر رہے ہیں کہ کہیں کسی چھوٹی سی بات سے بھی ہنگامے شروع نہ ہوجائیں۔

رام مندر کا افتتاح 22 جنوری کو بھارت کے وزیر اعظم نریندر مودی کریں گے۔ دارالحکومت نئی دہلی میں شر پسندوں نے سرکاری دفاتر والے علاقے میں واقع بابر روڈ کے بورڈ پر ”ایودھیا مارگ“ کا پوسٹر چسپاں کرکے کشیدگی پیدا کرنے کی کوشش کی۔

کچھ دیر بعد انتظامیہ نے پوسٹر ہٹادیا۔ یہ پوسٹر چسپاں کرنے والے ہندو سینا کے کارکن تھے۔ پوسٹر کی تصویر اور وڈیوز سوشل میڈیا پر وائرل ہوئی ہیں۔

واضح رہے کہ انتخابات کی آمد پر رام مندر کے افتتاح کے سیاسی فوائد بٹورنے پر مودی سرکار کو اپوزیشن جماعتوں اور غیر جانب سیاسی مبصرین کی طرف سے شدید نکتہ چینی کا سامنا ہے۔