کراچی میں بات چیت کرتے ہوئے حافظ نعیم نے کہا کہ بجلی بنانے کی صلاحیت پورے پاکستان میں موجود ہے، این ٹی ڈی سی میں بجلی موجود ہے جس کی قیمت ہم ادا کررہے ہیں، اس کے ٹرانسمیشن، ڈسٹری بیوشن کے لیے کے الیکٹرک کی کوئی ضرورت نہیں ہے۔

انھوں نے کہا کہ کراچی میں اس وقت گیس کی بدترین صورتحال ہے، مائیں، بہنیں گیس کی عدم فراہمی کی وجہ سے حکمرانوں کو بد دعائیں دے رہی ہیں۔

ان کا کہنا تھا کہ جماعت اسلامی لوگوں کی خدمت پر یقین رکھتی ہے، صنعتی، رہائشیوں کے لیے گیس کی قیمتوں میں کمی کی جائے گی، ایل این جی کی کک بیکس اور کرپشن کو ختم کیا جائے گا۔

حافظ نعیم نے کہا کہ ہم نے ٹاونز میں بھی نوجوانوں کے لیے کام شروع کردیے ہیں، بچیوں کے لیے کھیلوں کے مواقع فراہم کیے جائیں گے۔