سماجی رابطے کی ویب سائٹ ’ایکس‘ پر اپنے ایک پیغام میں مریم نواز کا بتایا کہ انہیں اور قائد ن لیگ میاں محمد نواز شریف کو مداحوں میں سے کسی کی جانب سے سموسے اور نمک پارے پیش کیے گئے جن سے وہ لطف اندوز ہوئے۔

مریم نواز نے کہا کہ ’میاں نواز شریف اور میں قصور پورہ میں ریلی کے دوران کسی کی طرف سے دیے گئے سموسے اور نمک پرے کا مزہ لے رہے ہیں‘۔ پھر انہوں نے از راہ مذاق کہا کہ ’شاندار! لاہور میں جلسے کے فائدے‘۔

سابق وزیراعظم اور مسلم لیگ ن کے قائد نوازشریف اپنے انتخابی حلقے این اے 130 میں ریلی کے ہمراہ کھوکھر چو ک پہنچے جہاں وہ باقاعدہ مہم کا آغاز کریں گے۔

اس موقع پر کارکنان کی جانب سے اپنے سیاسی رہنما پر پھول اور نوٹ نچھاور کیے گئے۔ راستے کے دوران ملک پارک میں کارکنان نے نوازشریف کے اعزاز میں آتشبازی کا مظاہرہ بھی کیا۔

نوازشریف نے راستے میں نمک پارے خود کھانے سے قبل ڈرائیونگ کرتے ہوئے پارٹی رہنما بلال یٰسین کو بھی پیش کیے۔

مریم نواز نے اس موقع پر والد کو مخاطب کرتے ہوئے کہا کہ باہر سے کارکنان آپ کو ’آئی لو یو‘ کہہ رہے ہیں۔

مزید پڑھیں

جنوبی پنجاب کے ہر ضلع میں دانش اسکول بنائیں گے، شہباز شریف

نواز شریف وزیراعظم بنے تو جیلر سے جج تک سب سے انتقام لیں گے، بلاول بھٹو