موٹر سائیکلوں پرسوار انتہا پسند ہندوؤں نے ایک ریلی نکالی اور مسجد کے نزدیک پہنچ کر نعرے بازی۔ انہوں نے انتہا پسند ہندو گروپوں میں مقبول زعفرانی رنگ کے جھنڈے بھی اٹھا رکھے تھے۔

انڈیا ٹوڈے نے بتایا کہ مسجد کے نزدیک کچھ مقامی باشندوں نے موٹر سائیکل سوار ہندو نوجوانوں کو نعرے لگانے سے روکا تو جھگڑا ہوگیا۔ کسی کے زخمی ہونے کی اطلاع نہیں ملی۔

انڈیا ٹوڈے کی رپورٹ کے مطابق بہت سے ہندو نوجوان موٹر سائیکلیں چھوڑ کر بھاگ گئے۔ پولیس نے کارروائی کرتے ہوئے سات افراد کو حراست میں لیا اور 9 موٹر سائیکلیں بھی تحویل میں لیں۔

اس واقعے کے بعد ہندو اور مسلمان زعما کے درمیان میٹنگ بھی ہوئی تاکہ معاملات کو مزید بگڑنے سے روکا جاسکے۔