جنوبی افریقا کے شہر ایسٹ لندن میں کھیلے گئے میچ میں نیپال انڈر 19 ٹیم پہلے بیٹنگ کرتے ہوئے 197 رنز پر آل آؤٹ ہوگئی۔

نیپال کے بپن راول نے سب سے زیادہ 39 رنز بنائے جبکہ دیپک ڈمری 29، ڈیوڈ کھرنال نے 23 اور سباش بھنڈاری نے 20 رنز کی اننگز کھیلیں۔

پاکستان انڈر 19 کے عرفات منہاس نے 10 اوور میں 23 رنز دے کر 3 وکٹیں حاصل کیں۔

عبید شاہ اور احمد حسن نے 2، 2 کھلاڑیوں کو پویلین کی راہ دکھائی جبکہ محمد ذیشان اور علی اسفند کے حصے میں ایک ایک وکٹ آئی۔

پاکستان انڈر 19 ٹیم نے 198 رنز کا ہدف 48 ویں اوورز میں 5 وکٹوں کے نقصان پر پورا کرلیا اور نیپال کو 5 وکٹوں سے شکست دے دی۔

اذان اویس نے 63 رنز کی ناقابلِ شکست اننگز کھیلی اور پاکستان کی جیت میں اہم کردار ادا کیا جبکہ اذان اویس کو میچ کے بہترین کھلاڑی کا ایوارڈ بھی دیا گیا۔

اس کے علاوہ شامل حسین اور شاہ زیب خان 37 ، 37 جبکہ احمد حسن نے 29 اور ہارون ارشد نے 15 رنز بنائے۔

اس فتح کے ساتھ ہی گروپ ڈی میں پاکستان 4 پوائنٹس کے ساتھ پہلے نمبر پر آگیا اور ایونٹ کے سپر 6 مرحلے میں پہنچ گیا۔

یاد رہے کہ پہلے میچ میں پاکستان انڈر 19 ٹیم نے افغانستان کو 181 رنز سے شکست دی تھی، قومی انڈر 19 ٹیم اپنا اگلا میچ ہفتے کو نیوزی لینڈ کے خلاف کھیلے گی۔