دھند کے باعث موٹروے ایم ون پشاور سے برہان، سوات ایکسپریس وے کرنل شیرخان سے اسماعیلہ تک بند ہے۔

اسی طرح موٹر وے ایم تھری فیض پور سے درخانہ اور ایم فائیو رحیم یارخان سے روہڑی تک ٹریفک کے لیے بند ہے۔

دھند کے باعث پروازوں کا شیڈول بھی متاثر ہوا ہے اور کئی پروازیں منسوخ ہو چکی ہیں۔

محکمہ موسمیات کے مطابق خیبرپختونخوا میں سردی اور دھند کی لہر 24 گھنٹوں تک جاری رہے گی، جس سے بچنے کے لیے طبی ماہرین گرم ملبوسات اور گرم خوراک کے استعمال کے ساتھ ماسک لگانے کا مشورہ دے رہے ہیں۔