ڈی آئی جی آپریشنز لاہور سید علی ناصر رضوی کے مطابق پولنگ اسٹیشنز پر تعینات عملے کے موبائلز پر ایپ اپ لوڈ کی جائے گی، ویجلینس ٹیموں کے علاوہ ایپ سے انتخابات کی مانیٹرنگ ممکن ہو سکے گی، اس کے علاوہ پولنگ سامان کی ترسیل، عملہ ونفری کی موجودگی، پولنگ کا آغاز اور اختتام بھی ایپ میں شامل ہے۔

ڈی آئی جی آپریشنز کا کہنا ہے کہ پولنگ رکنے کی صورت میں فوراََ ایپ کی مدد سے آگاہ کیا جاسکے گا، لاہور ایپ کے ذریعے جیوٹیکنگ کی جاسکے گی، افسران اور جوان اپنے ڈیوٹی پوائنٹس پر باآسانی پہنچ سکیں گے، پولنگ اسٹیشنز پر تعینات نفری کی تفصیل حاصل کی جاسکے گی۔

سید علی ناصر رضوی نے مزید کہا کہ ضابطہ اخلاق کی خلاف ورزی پر ڈیوٹی پر موجود جوان فوری آگاہ کرے گا، امن و امان کو یقینی بنانے کے لیے ایپ مدد گار ثابت ہو گی، ایپ کا مقصد پولنگ اسٹیشنز کی سیکیورٹی سے لمحہ بہ لمحہ باخبر رہنا ہے۔