سعودی محکمہ موسمیات کے موسمی نقشوں کے مطابق ملک میں سردی کی شدید لہرداخل ہوچکی ہے۔

سبق ویب سائٹ میں شائع رپورٹ میں کہا گیا ہے کہ یہ لہریورپ کے مشرق سے بتدریج آگے بڑھتے ہوئے رواں ہفتے کے وسط تک مغربی علاقوں اور ہفتہ ختم تک ملک بھر میں پھیل جائے گی۔

سردی کی اس شدید لہر سے سب سے زیادہ سعودی عرب کے شمالی علاقے متاثرہوں گے جس کے بعد یہ لہر وسطی علاقوں کو بھی متاثر کرے گی۔

سعودی عرب کے محکمہ موسمیات کے مطابق اس لہر سے الجوف، حائل، تبوک، مدینہ منورہ اور مکہ ریجن میں درجہ حرارت میں واضح کمی آئے گی۔

مغربی ساحلی پٹی پرسرد ہواؤں کے باعث دن کے علاوہ رات کے اوقات میں اور بھی زیادہ شدید سردی ہوگی۔