متحدہ عرب امارات میں سکونت پذیر وسیم اکرم جونیر بائیں ہاتھ سے تیز باؤلنگ کرتے ہیں۔ وہ انٹرنیشنل لیگ ٹی 20 کی ٹیم تھنڈربولٹس کی طرف سے کھیلتے ہیں۔

اپنے ہیرو اور آئیڈیل وسیم اکرم سے ملاقات کے موقع پر وسیم اکرم جونیر نے کہا کہ وسیم اکرم سے ملنا ایسا ہے جیسے کسی بڑے، سہانے خواب کو تعبیر مل گئی ہو۔ ان سے انسپائر ہوکر میں نے باؤلنگ سیکھی۔ ان کی باؤلنگ دیکھ دیکھ کرمیں نے بہت کچھ سیکھا ہے۔

ان کا یہ بھی کہنا تھا کہ میں وسیم اکرم سے براہِ راست بہت کچھ سیکھنے کی کوشش کروں گا۔

ایک سوال پر وسیم اکرم جونیر نے کہا ہے کہ افسانوی شہرت کے حامل وسیم اکرم کے ساتھ محض دس منٹ بھی گزر جائیں تو میں ان سے بہت کچھ سیکھ سکتا ہوں۔ مجھے امید ہے وہ کریئر کو مستحکم کرنے میں میری معاونت کریں گے۔

28 سالہ وسیم جونیئر کا نام ان کے والد نے عظیم آل راؤنڈر وسیم اکرم کی شاندار کارکردگی سے متاثر ہوکر وسیم اکرم رکھا تھا۔

یہ بھی پڑھیں :

وسیم اکرم عمران خان حمایت میں بول پڑے

ویڈیو تنازع: وسیم اکرم نے پی سی بی سے معافی مانگنے کا مطالبہ کردیا

وسیم اکرم یواے ای میں جاری انٹرنیشنل لیگ ٹی 20 میں کمنٹیٹر کی حٰثیت سے شریک ہوئے ہیں۔ وسیم اکرم جونیر نے وسیم اکرم سے باؤلنگ کا معیار بلند کرنے کے لیے قیمتی مشورے بھی لیے۔

وسیم اکرم نے وسیم اکرم جونیر کے لیے نیٹ خواہشات کا اظہار کرتے ہوئے کہا کہ اگر وقت ملا تو نیٹ پریکٹس میں ان کی راہ نمائی کروں گا۔