پاکستان پیپلزپارٹی نے ضابطہ اخلاق کی خلاف ورزی پر ظہور بلیدی کو شوکاز نوٹس جاری کیا ہے۔

انچارج پی پی پی الیکشن سیل نے نوٹس میں لکھا ہے کہ پارٹی کو موصول ویڈیو میں ظہور بلیدی، اسلم بلیدی کے لیے ووٹ مانگ رہے ہیں۔

نوٹس کے مطابق ظہور بلیدی حلقہ این اے 258 میں مسلم لیگ نواز کے نامزد امیدوار اسلم بلیدی کے لیے مہم چلا رہے تھے، جبکہ حلقے میں پیپلزپارٹی کے امیدوار صابر بلوچ ہیں۔

پارٹی نے ظہور بلیدی کو 3 دن میں وضاحت جمع کرانے کی ہدایت کی ہے۔

پی پی پی لائرز فورم کا کہنا ہے کہ آرٹیکل 63.1 کے تحت نواز لیگ کے امیدوار مسٹر اسلم کی حمایت کرکے ظہور بلیدی نے پارٹی پالیسی کی خلاف ورزی ہے، نااہلی کے لیے الیکشن کمیشن کو ریفرنس بھیجا جا سکتا ہے۔ برائے مہربانی سینٹرل الیکشن سیل جی ایس پیپلز لائرز فورم کو اپنی پوزیشن واضح کریں۔