امریکی محکمہ خارجہ کے ترجمان میتھیوملر نے پریس بریفنگ میں کہا کہ بانی پی ٹی آئی کی سزاپاکستانی عدالتوں کا معاملہ ہے، سابق وزیراعظم کےخلاف کیسزکودیکھ رہےہیں یہ قانونی معاملہ ہے۔

ترجمان نے کہا کہ قانونی معاملے پر پاکستانی عدالتوں سے رجوع کیا جانا چاہیے، ہم ایساجمہوری عمل چاہتےہیں جس میں تمام فریقین کی وسیع پیمانےپرشرکت ہو، جہاں جمہوری اصولوں کااحترام ہو۔

انہوں نے کہا کہ ہم جمہوری اصولوں،قانون کی حکمرانی کےاحترام کامطالبہ کرتےرہتےہیںپاکستان میں بھی انسانی حقوق کےاحترام کا مطالبہ کرتےرہتےہیں۔

ترجمان کا کہنا تھا کہ پاکستان کےاندورنی معاملات،امیدواروں سےمتعلق کوئی پوزیشن نہیں لیتے، ہم ایک آزاد،منصفانہ اورکھلاجمہوری عمل دیکھناچاہتےہیں،
قانونی معاملات کافیصلہ پاکستانی عدالتوں کوکرناہے۔

میتھیوملر نے کہا کہ امریکا پاکستان میں صاف اورشفاف الیکشن دیکھنا چاہتاہے، پاکستان میں الیکشن کاعمل مانیٹرکریں گے۔