آج نیوز کے ساتھ خصوصی گفتگو میں احسن اقبال نے کہا کہ اگر سزائیں قانون کے مطابق نہ ہوئیں تو ’ہائر فورم پر انہیں ریلیف مل جائے گا‘۔

عمران خان کے 342 کا بیان ریکارڈ نہ کرانے پر لیگی رہنما کا کہنا تھا کہ یہ ان کا طریقہ رہا ہے تاکہ قانونی عمل کو تاخیر کا شکار کیا جاسکے۔

انہوں نے کہا کہ فیئر ٹرائل کی درخواست بانی پی ٹی آئی کا فرمائشی پروگرام ہے۔

ان کا کہنا تھا کہ نواز شریف نے عدالتوں میں 200 کے قریب پیشیاں دی ہیں، ہم نے کبھی عدالتوں میں جاکر ہنگامہ نہیں کیا، ہم نے ہمیشہ سزاؤں کیخلاف بھی قانونی طریقہ کار اپنایا، ہم نے عدالتوں میں ہی اپنا دفاع کیا۔

رہنما مسلم لیگ ن مریم اورنگزیب نے سزاؤں پر ردعمل میں کہا کہ بانی پی ٹی آئی نے سیاست کو داغدار کیا، اپنا دور دوسروں کو چور ، چور کہنے پر لگایا، آج سامنے آرہا ہے کہ اصل چور اور جھوٹے کون تھے۔

جبکہ عطاء اللہ تارڑ نے تبصرہ کرتے ہوئے کہا کہ آج پاکستان کی تاریخ میں ایک اہم دن ہے، احتساب کا عمل آگے بڑھا ہے۔