کچن میں موجود اسٹین لیس اسٹیل کے برتنوں پر موجود داغ دھبے نہ صرف ان کی ظاہری شکل کو خراب کرتے ہیں بلکہ دیکھنے والوں کی طبیعت پر بھی گراں گزرتے ہیں۔

خواتین کچن میں موجود اوون، مائکروویو اور فریج سے ان فنگر پرنٹس اور دھبوں کو دور کرنے کیلئے مہنگے کلینرز منگواتی ہیں۔

لیکن گھر میں موجود دو اجزا نہ صرف ان کے پیسے بچاسکتے ہیں بلکہ چمک کو بھی دیرپا رہنے دیتے ہیں۔

یہ اسپرے بنانے کیلئے ایک سپرے بوتل میں زیتون کا تیل اور سرکہ برابر مقدار میں مکس کریں۔ اپنے اوون پر اس کو اسپرے کریں اور صاف کپڑے کی مدد سے اس کو صاف کریں۔

یہ اسپرے تقریباً سارے ہی اسٹینلیس اسٹیل کے آلات پر کام کرے گا۔

یہ مائکروویو، اوون، چولہے، ڈش واشر، ریفریجریٹر اور یہاں تک کہ گرلز کو بھی صاف کرسکتا ہے۔