لاہور میں ڈیجیٹل میڈیا سے تعلق رکھنے والے افراد سے گفتگو کرتے ہوئے شہباز شریف نے کہا کہ ہم سب کو معاشی اور سیاسی مشکلات کا سامنا ہے۔

شہباز شریف نے کہا کہ انتخابی عمل اپنے حتمی مراحل میں داخل ہوچکا ہے، 8 فروری کوعوام اپنی تقدیر کا فیصلہ کریں گے۔

ان کا کہنا تھا کہ اسلامی رفاعی مملکت کے طور پر پاکستان وجود میں آیا تھا، وہ اہداف وہ خواب ابھی تک شرمندہ تعبیر نہ ہوسکے۔

انہوں نے کہا کہ ماضی کو رونے سے کچھ حاصل نہیں ہوگا، ہمیں ماضی سے سبق حاصل کرکے آگے بڑھنا ہے۔

شہباز شریف نے کہا کہ پاکستان کے معاشی حالات چین سے بہتر ہوا کرتے تھے، کیا وجہ ہے جو آج ہم دنیا سے معاشی دور میں پیچھے رہ گئے، دوسرے ممالک میں بھی بعض قومیں ہم سے بہت آگے نکل چکی ہیں۔

شہباز شریف نے کہا کہ 2018 میں آر ٹی ایس بٹھانے کے باوجود ہم جیت چکے تھے۔