اسلام آباد میں نادرا کے ڈپٹی اسسٹنٹ ڈائریکٹر نجیب اللہ مبینہ طور پر اغواء ہوگئے۔

نادرا کے افسر کے اغواء کا مقدمہ اسلام آباد پولیس نے تھانہ رمنا میں مغوی کے بھائی کی مدعیت میں درج کرلیا۔

مقدمے کے متن میں کہا گیا کہ میرا بھائی کل رات 9 بجے گھر سے نکلا لیکن ابھی تک واپس نہ آیا، میرے بھائی نے کال کی لیکن اس کی آواز سے وہ گھبرایا ہوامحسوس ہوا۔

مقدمے میں مزید کہا گیا کہ نجیب اللہ نے کال پر بتایا کہ مجھے کسی نے بٹھایا ہوا ہے اور پھر ان کا فون بند ہوگیا۔

مدعی نے شک ظاہر کیا ہے کہ نجیب اللہ کو کسی نے اغواء کرلیا ہے۔