عدالت کا کہنا ہے کہ بریانا گھے کو قتل میں بنیادی محرک اس کی صںفی شناخت تھی۔

جج مسز یپ نے کہا کہ اس قتل کی مرکزی ملزم اسکارلیٹ جینکنسن ہے۔ اسے کم از کم 22 سال قید کی سزا سنائی گئی۔

سابق کک باکسنگ چیمپین ایڈی ریٹکلف کو 20 سال قید کی سزا سنائی گئی۔

جج نے بتایا کہ اسکارلیٹ اور ایڈی نے ایک ایسی خواجہ سرا کو قتل کیا جو خوش و خرم زندگی بسر کر رہی تھی اور بیوٹی تھیراپسٹ بننے کا ارادہ رکھتی تھی۔

جج نے یہ بھی بتایا کہ فردِ جرم عائد کیے جانے کے بعد بھی اسکارلیٹ نے کہا کہ وہ مزید قتل کرنا چاہتی ہے۔ اس نے ایک لسٹ بھی دی جس میں ان لوگوں کے نام شامل تھے جنہیں وہ موقع ملتے ہی قتل کرنے کا ارادہ رکھتی ہے۔