سوشل میڈیا پر کی گئی پوسٹ میں صدر پاکستان کا کہنا تھا کہ اسلامی جمہوریہ پاکستان نے قومی اور صوبائی اسمبلیوں میں نمائندے منتخب کرنے کے لیے آپ کے ووٹ کے ذریعے آپ سے ذاتی مشورہ طلب کیا ہے۔

صدر مملکت کا مزید کہنا تھا کہ یہ آپ کی اسلامی، آئینی اور شہری ذمہ داری ہے۔ ہم بطور فیملی اپنے پولنگ اسٹیشن پر پہنچے، لائن میں کھڑے ہو کر ووٹ دیا اور آپ سب سے درخواست کی کہ باہر آئیں اور اپنا حق استعمال کریں۔

انہوں نے کہا کہ پاکستان کو آپ کی رائے کی ضرورت ہے جتنی پہلے کبھی نہیں تھی۔

شیئر کی جانے والی تصویرمیں صدر پاکستان ڈاکٹرعارف علوی کے ہمراہ ان کی فیملی کو بھی دیکھا جا سکتا ہے۔