سوشل میڈیا پر وائرل ایک ویڈیو میں اداکار منیب بٹ کو دیکھا جا سکتا ہے جو کہ این اے 236 کے نتائج کا اعلان کرتے دکھائی دے رہے ہیں۔

منیب بٹ نتائج اعلان کرتے ہوئے نہ صرف خوش دکھائی دے رہے ہیں جوش ولولے سے بھی بھرپور نظر آ رہے ہیں۔

اداکار کا کہنا تھا کہ سارا ووٹ ہی بینگن (انتذخابی نشان) کا ہے۔ نتائج کا اعلان کرتے ہی موجود افراد شور و غل کرنا شروع ہو گئے۔

سوشل میڈیا پر یہ ویڈیو آزاد امیدوار عالمگیر خان کی جانب سے اپلوڈ کی گئی تھی جس میں ان کا کہنا تھا کہ پاکستان کے نامور ادکاار منیب بٹ این اے 236 میں عالم گیر خان کے نتائج جمع کر رہے ہیں اور سنا رہے ہیں۔

پی ٹی آئی سے بلے کا نشان چھن جانے کے بعد ان کے امیدواروں کو آزاد امیدوار قرار دیتے ہوئے مختلف انتخابی نشان الاٹ کیے گئے تھے۔