معروف بھارتی جریدے انڈیا ٹوڈے کی ویب سائٹ نے ایک رپورٹ میں دعویٰ کیا کہ پاکستان پیپلز پارٹی کے ذرائع کے مطابق سابق صدرِ مملکت اور سابق وزیر اعظم کی ملاقات جمعہ کو رات گئے ہوئی جس میں ممکنہ حکومت سازی کے حوالے سے مختلف معاملات کا جائزہ لیا گیا۔

بھارتی میڈیا کے مطابق یہ ابتدائی نوعیت کی ملاقات تھی جس کا بنیادی مقصد اس حوالے سے مزید رابطوں کی راہ ہموار کرنا اور مشاورت کو آگے بڑھانا تھا۔

یہ ملاقات جمعہ کی شام محمد نواز شریف کی طرف سے فتح کے اعلان اور متعلقہ خطاب کے بعد ہوئی جب انہوں نے اپنے اتحادیوں کو مخلوط حکومت کی تشکیل میں شرکت کی دعوت دی۔

پاکستانی میڈیا میں یہ خبر گرم رہی ہے کہ محمد نواز شریف کی ہدایت پر مسلم لیگ ن کے صدر اور سابق وزیر اعظم شہباز شریف نے جمعہ کی شب پاکستان پیپلز پارٹی کی قیادت سے رابطہ قائم کیا تھا۔