السلمی نے سعودی ٹی وی الاخباریہ سے گفتگو میں کہا کہ مسجد الحرام کی انتظامیہ موتمرین کو ہر ممکن سہولت فراہم کرتی ہے۔

السلمی نے بتایا کہ تمام اہلکاروں کو ہدایت کردی گئی ہے کہ پانی کے کین یا بڑے بیگز کے ساتھ کسی کو مسجد الحرام کی حدود میں داخل نہ ہونے دیں۔

یہ پابندی پہلے بھی عائد تھی تاہم بعد میں نرمی برتے جانے پر لوگوں نے سامان لانا شروع کردیا۔ اس کے نتیجے میں دوسروں کو شدید مشکلات کا سامنا کرنا پڑتا ہے۔

بہت سے لوگ ذاتی سامان راہداریوں میں بھی رکھ دیتے ہیں جس کے نتیجے میں گزرنے والوں کو مشکلات پیش آتی ہیں۔