پوسٹ شئیر کرتے ہوئے قاسم خان کا کہنا تھا کہ آپ تمام لوگوں کا بے حد شکریہ جنہوں نے پاکستان تحریک انصاف کو ووٹ دیا، ساتھ ہی قاسم خان نے پاکستان کا جھنڈا بھی اپنے پوسٹ پر شئیر کیا۔

پی ٹی آئی کے بانی کے دونوں بیٹے اس وقت لندن میں والدہ کے ہمراہ رہائش اختیار کیے ہوئے ہیں، جبکہ الیکشن سے ایک دن قبل قاسم اور سلیمان کی ایک اور تصویر نے پاکستانی سوشل میڈیا پر سب کی توجہ خوب سمیٹ لی تھی، جس میں وہ پاکستان تحریک انصاف کا جھنڈا تھامے ہوئے تھے۔

دونوں بیٹوں کی اسی تصویر کو عمران خان کی سابق اہلیہ جمائما خان نے بھی لائک کیا تھا۔

دوسری جانب صحافی احتشام الحق کے ساتھ سابق وزیر اعظم عمران خان کے بیٹے قاسم خان کی تصویر بھی سوشل میڈیا پر وائرل ہو گئی ہے۔

اس تصویر میں قاسم اور صحافی ایک ریستوران میں بیٹھے ہیں، جبکہ قاسم کے چہرے پر مسکراہٹ بھی واضح طور پر دیکھی جا سکتی ہے۔