درہ زندہ میں شیرانی قبیلے کے غیور عوام قانون نافذ کرنے والے اداروں کے شانہ بشانہ دہشتگردوں کے خلاف صف آراء ہوگئے۔

دہشت گردوں کے حملے کے نتیجے میں علاقہ کے عوام موقع پر جمع ہو گئے اور سیکورٹی فورسز کے ہمراہ دہشتگردوں کا گھیراؤ کیا اور تینوں دہشت گردوں کو مار دیا گیا۔

یاد رہے کہ علاقہ درہ زندہ میں دہشت گردوں کی فائرنگ سے ایس ایچ او شہید ہوگئے تھے۔

دہشت گردوں نے پولیس موبائل پر اس وقت حملہ کیا تھا جب وہ گشت پر تھی۔

عوام کا کہنا ہے کہ ہم ہمیشہ دہشتگردی کے خلاف عملی طور پر پاک فوج کے شانہ بشانہ کھڑے رہیں گے۔

انھوں نے مزید کہا کہ دہشت گردوں کے خلاف پاکستان کی سر زمین کے لیے ہر قسم کی قربانی دینے کو تیار ہیں۔

واضح رہے کہ اس سے پہلے لکی مروت کے عوام نے بھی ہمیشہ دہشتگردوں کے خلاف فوج کے شانہ بشانہ لڑائی کی ۔

عوام کا کہنا ہے کہ نہتے عوام کو نشانہ بنانے والے اور بھتہ خوری کرنے والے خوارج کا وجود ہر گز برداشت نہیں کریں گے۔

عوام نے عہد کیا کہ علاقے کے امن کیلئے سیکیورٹی اداروں کے ساتھ مل کر ہر حد تک جائیں گے۔