اسلام آباد ہائیکورٹ کی ویب سائٹ پر آن لائن کازلسٹ اور کیسوں کی تفصیلات اپلوڈ ہوتی ہیں تاہم گزشتہ 2 روز سے ہائیکورٹ کی ویب سائٹ بند ہے۔

ویب سائٹ پر کیسوں کے مختصر اور تفصیلی فیصلوں سے آگاہی ملتی ہے اور دائر درخواستوں پر اعتراضات اور مقرر ہونے کی تفصیل موجود ہوتی ہے۔

اسلام آباد ہائیکورٹ کی ویب سائٹ بند ہونے کے باعث دور سے آنے والے سائلین کو مشکلات کا سامنا ہے کیونکہ سائلین اور وکلا کو کیسز کے بارے میں معلومات نہیں مل پا رہیں۔

اس حوالے سے ڈپٹی رجسٹرار آفس کا کہنا ہے کہ سرور کی مینٹیننس پر کام جاری ہے، گزشتہ روز سرور کی مینٹیننس شروع کی گئی، آج سرور کا کام مکمل ہونے پر ویب سائٹ کھل جائے گی۔