سابق وزیر ریلوے نے اپنے ایکس اکاؤنٹ پر احمد سلمان کی ایک نظم شیئر کی جس کے اشعار ظاہر کرتے ہیں کہ وہ کچھ نہ کہتے ہوئے بھی بہت کچھ کہہ گئے ۔

سعد رفیق نے اس ’ذومعنی‘ انتخاب کو شیئر کرتے ہوئے کیپشن میں واضح کر دیا کہ یہ جس کے لیے ہے وہ سمجھ جائےگا۔

اس پوسٹ پر صارفین کی جانب سے دلچسپ تبصرے کیے گئے۔

ایک صارف نے لکھا کہ، ’نوازشریف سمجھ گئے ہیں، بے شک آپ نے ان کا نام نہیں لیا ہے۔‘

جبکہ ایک اور صارف کا بھی یہی کہنا تھا، ’خواجہ صاحب یہ میاں صاحب کی بات ہو رہی ہے؟‘

ایک اور صارف نے ہمدردی کا اظہار کرتے ہوئے، ’آپ پڑھے لکھے انسان ہیں۔ مگر آپ کے ساتھ ہمیشہ زیادتی ہوتی ہے۔‘

واضح رہے کہ عام انتخابات میں سینیئر لیگی رہنما کو پی ٹی آئی کے حمایت یافتہ امیدوار لطیف کھوسہ کے مقابلے میں شکست کا سامنا کرنا پڑا ہے۔

این اے 122 لاپور 8 سے الیکشن لڑنے والے سعد رفیق نے الیکشن کمیشن کی جانب سےاس حلقے کے نتیجے کے اعلان سے قبل ہی شکست تسلیم کرتے ہوئے لطیف کھوسہ کو مبارکباد دی تھی۔