عدالت عالیہ نے کنوینئر ایم کیو ایم پاکستان خالد مقبول صدیقی ، مصطفیٰ کمال اور دیگر کےخلاف تمام درخواستیں نمٹائیں۔

فیصلے میں کہا گیا کہ الیکشن کمیشن تمام فریقین کی شکایت کا قانون کےمطابق فیصلہ کرے۔

عدالت نے کہا کہ الیکشن کمیشن تمام شکایتوں پر22 فروری سے پہلے فیصلہ کرے۔

تحریری فیصلے میں سندھ ہائیکورٹ نے کہا کہ الیکشن کمیشن فارم 45 یا 47 کا ریکارڈ سے جائزہ لے، اگر کوئی بےضابطگی پائی جائے تو الیکشن کمیشن اسے دورکرے۔

عدالت نے کہا کہ اس کے بعد متاثرہ فریق متعلقہ فورم سے رجوع کرسکتے ہیں، تمام درخواست گزاروں نے ایک جیسے خدشات کا اظہار کیا ہے۔