جب کہ شہباز شریف نے کہا کہ اطلاعات ہیں ایک صوبے میں مسلح افراد ایک پارٹی کو ووٹ دلاتے رہے۔

منگل کو صحافی وقار ستی نے سوشل میڈیا پلیٹ فارم ”ایکس“ پر جاری اپنی ایک پوسٹ میں لکھا کہ ’خیبرپختونخوا میں الیکشن کے دوران بڑے پیمانے پر دھاندلی کے انکشافات ہوئے ہیں، خیبرپختونخوا میں آر اوز نے بڑے پیمانے پر بے ضابطگیاں کیں‘۔

وقار ستی نے لکھا کہ ’اس صوبے میں بہت زیادہ ٹرن آؤٹ انتہائی مشکوک ہے۔ الیکشن کمیشن اور مُتعلّقہ اداروں نے تحقیقات شروع کر دی ہیں، حقائق جلد سامنے آنے والے ہیں‘۔

عمران خان کی کس بات پر پیپلز پارٹی نے حکمت عملی تبدیل کی

مسلم لیگ ن، پی پی، ایم کیو ایم، مسلم لیگ ق حکومت سازی کیلئے ایک ہوگئے

سب سیاسی جوڑ توڑ میں لگے رہے، پی ٹی آئی نے بڑا بم گرا دیا

وقار ستی کے اس ٹوئٹ کے جواب میں مریم نواز نے لکھا کہ ’سب کو اس پر آواز اٹھانی چاہیے، ہمیں گزشتہ 72 گھنٹوں میں ثبوتوں کے ساتھ کافی شکایات موصول ہوئی ہیں۔ اپنے لوگوں کو ای سی پی میں شکایات درج کرانے کی ہدایت کی ہے۔ فافن کو کے پی کے میں بڑے پیمانے پر دھاندلی کا بھی جائزہ لینا چاہیے‘۔

مریم کے اس بیان سے قبل اپنی پریس کانفرنس میں شہباز شریف نے ڈھکے چھپے انداز میں الزامات عائد کیے۔