سماجی رابطے کی ویب سائٹ ایکس (ٹوئٹر) پر اپنے پیغام میں پی ٹی آئی کے رہنما عاطف خان نے سابق چیئرمین تحریک انصاف عمران خان کی جانب سے علی امین گنڈا پور کو وزیراعلیٰ خیبر پختونخوا نامزد کرنے پر مبارکباد دی ہے۔

انہوں نے کہا کہ علی امین گنڈا پور کے لیے نیک خواہشات اور دعا ہے کہ وہ ہمارے صوبے کے عوام کو ان کی توقعات کے مطابق فائدہ پہنچائیں۔

دوسری جانب سابق صوبائی وزیر تیمور سلیم جھگڑا نے بھی ایکس (ٹوئٹر) پر اپنے پیغام میں علی امین گنڈاپور کو خیبرپختونخوا کے وزیراعلیٰ کے طور پر نامزدگی پر مبارکباد دی اور کہا کہ یہ عمران خان کا ووٹ ہے اور انتخاب یہ ہے کہ اہم کردار عمران خان کا ہونا چاہیئے۔

تیمور سلیم جھگڑا کا کہنا تھا کہ اب یہ ہم سب کے لیے ایک ناقابل یقین حد تک مشکل چیلنج ہے، عمران خان اور پی ٹی آئی کو انتہائی نامساعد حالات میں اور بے مثال دھاندلی کے باوجود کے پی میں بے مثال مینڈیٹ ملا ہے۔

انہوں نے مزید کہا کہ ہمیں حکومت کرنے کی ضرورت ہے، ہمیں شفا دینے کی ضرورت ہے، ہمیں پل بنانے کی ضرورت ہے، ہمیں پختونخوا کے عوام کی خدمت کرنے کی ضرورت ہے، پاکستان کے پاس مزید وقت نہیں ہے۔