اسد قیصر کی اڈیالہ جیل میں بانی پی ٹی آئی عمران خان کے ملاقات کے دوران مولان فضل الرحمان کے ساتھ احتجاج کے پروپوزل پر آج نیوز کے پروگرام ”روبرو“ میں گفتگو کرتے ہوئے شعیب شاہین نے کہا کہ ’میرا خیال ہے کہ یہ نہیں کرنا چاہیے تھا‘۔

شعیب شاہین نے کہا کہ مولانا فضل الرحمان کے ساتھ احتجاج کی بات نہیں ہونی چاہئے تھی، بانی پی ٹی آئی سے مشترکہ احتجاج کی بات کرنی ہی نہیں چاہئے تھی۔

شعیب شاہین نے کہا کہ ’اگر انہوں (عمران خان) نے اجازت دی ہے تو میری ذاتی رائے میں یہ پروپوزل لے جانے والی بات ہی درست نہیں تھی‘۔

انہوں نے بتایا کہ اس حوالے سے اسد قیصر سے میری کوئی بات نہیں ہوسکی، لیکن بیرسٹ گوہر سے بات ہوئی تو انہوں نے کہا کہ حکومت سازی کے حوالے ہماری نہ ان کے ساتھ مشاورت کے، نہ شرکت ہے ، نہ بات چیت ہے۔