دیگر کیٹیگریز کے ویزا کے مقابلے میں گولڈن ویزا والدین کو ساتھ رکھنے سمیت بہت سی سہولتیں دیتا ہے۔

آج نیوز کی ایک رپورٹ کے مطابق دبئی میں پراپرٹی کے کاروبار میں تیزی کے ساتھ سرمایہ کاروں کی مدد کے لیے مختلف ڈیجیٹل پلیٹ فارمز میں بھی اضافہ ہوا ہے۔ ان میں شامل پلیٹ فارم ’اسٹیک‘ کی طرف سے بھی بھرپور سہولیات دی جارہی ہیں۔

’اسٹیک‘ کے سینیر ریلیشن شپ مینیجر محمد برہان کہتے ہیں کہ ’اسٹیک‘ کی خاص بات یہ ہے کہ کوئی بھی شخص ایک مکمل پراپرٹی خرینے کے بجائے ہمارے پلیٹ فارم پر اپنی سہولت و آسانی کے مطابق سرمایہ کاری کرکے منافع حاصل کرسکتا ہے۔

محمد برہان کا کہنا تھا کہ ہم ایسے منصوبے میں سرمایہ کاری کا موقع فراہم کرتے ہیں جو پہلے سے تیار ہو۔ ان میں سے بیشتر پراپرٹیز پہلے ہی کرائے پر دی جاچکی ہیں یعنی ان سے آمدنی ہو رہی ہے۔

’اسٹیک‘ کے سینیر ریلیشن شپ مینیجر نے مزید بتایا کہ ہمارے پلیٹ فارم پر پاکستانی پاسپورٹ رکھنے والے 23 ہزار افراد رجسٹرڈ ہیں اور انہوں نے سرمایہ لگا رکھا ہے۔ پاکستان میں بیٹھ کر سرمایہ لگانے والوں کی تعداد 7 ہزار سے زائد ہے۔

یہ پلیٹ فارم سرمایہ کاری کرنے والوں کو گولدن ویزا کے حصول میں بھی مدد فراہم کر رہا ہے۔ جنہیں گولڈ ویزا دلوائے گئے ہیں وہ سب پاکستان میں مقیم ہیں۔