سماعت کے دوران پی ٹی آئی رہنما یاسمین راشد کے وکیل نے کہا کہ رات کو ساڑھے دس بجے پولیس افسر آراو کے دفترمیں داخل ہوئے، اس وقت فارم 47 مرتب کیا جا رہا تھا۔ انہوں نے ہمارے پولنگ ایجنٹ کو باہر نکال دیا اور ریٹرننگ افسر کو رات کے وقت تبدیل کر دیا گیا۔

وکیل نے کہا کہ رزلٹ نئے آر او سے تیار کروایا گیا، فارم 45 کے مطابق یاسیمن راشد 20 ہزار ووٹ سے جیت رہی تھیں اور یہ اعلان تمام ٹی وی چینلز پر چل رہا تھا۔ نوازشریف کو 33 پولنگ اسٹیشنز سے 1 لاکھ 1 ہزار ووٹ دلوائے گئے۔ یہ بہت بڑی دھاندلی کا کیس ہے۔

الیکشن کمیشن نے کیس میں نواز شریف کو نوٹس جاری کر دیا ریٹرننگ افسر سے رپورٹ طلب کرلی۔

ممبر الیکشن کمیشن نے ریمارکس دیے کہ اس کیس میں تو الیکشن کمیشن بھی جوابدہ ہے، ہم اپنے خلاف کیس سنیں؟

کیس کی سماعت 27 فروری تک ملتوی کردی گئی۔