اپنے دلچسپ انداز کی بدولت سب کی توجہ حاصل کرنے والی اداکارہ دپیکا پڈوکون جو کہ آخری بار ہریتھک روشن کی فلم فائٹر میں جلوہ گر ہوئی تھیں، اب ایک اور خبر کی بدولت توجہ سمیٹ رہی ہیں۔

اداکار رنویز سنگھ اور اداکارہ دپیکا پڈوکون بہت جلد ماں باپ بننے والے ہیں، یہ دعویٰ بھارتی میڈیا کی جانب سے کیا جا رہا ہے۔

بھارتی میڈیا ’دی ویک‘ کے مطابق اداکارہ کے انتہائی قریبی ذرائع نے اس بات کی تصدیق کی ہے، کہ اداکارہ کے ہاں بہت جلد بچے کی پیدائش متوقع ہے۔

اس سے قبل اداکارہ 7 وویں برٹش اکیڈمی فلم ایوارڈز کی تقریب میں شریک ہوئی تھیں، ریڈ کارپٹ پر اداکارہ چمکدار ساڑھی زیب تن کیے ہوئے تھیں۔

اداکارہ دپیکا پڈوکون اور ان کے شوہر اداکار رنویز سنگھ اس سے قبل کرن جوہر کو دیے گئے اپنے انٹرویو کی وجہ سے بھی سب کی توجہ سمیٹ چکے ہیں، جس میں اداکارہ نے اعتراف کیا تھا کہ انہوں نے بائی چانس رنویر سنگھ سے شادی کرلی۔

دوسری جانب بھارتی میڈیا نے ہی پاکستانی اداکارہ ماہرہ خان کی بھی دوسرے بچے کی متوقع پیدائش کا دعویٰ کیا تھا، جس کی بعدازاں اداکارہ نے تردید کر دی تھی۔