کراچی کی این ای ڈی یونی ورسٹی میں منگل کے روز 18 ویں گریڈ کے لیے سندھ پبلک سروس کمیشن کی جانب سے داخلہ ٹیسٹ کا اعلان کیا گیا تھا۔

اس داخلہ ٹیسٹ میں ہزاروں امیدواروں کی جانب سے شرکت کی گئی، تاہم کافی انتظار کرنے کے بعد جب ٹیسٹ شروع نہ ہوا اور اعلان کیا گیا کہ ٹیسٹ ملتوی ہو گیا ہے۔

اس اعلان پر امیدواروں کا پارہ ہائی ہو گیا، جبکہ ٹیسٹ کے ملتوی ہونے کے خلاف امیدواروں کی جانب سے یونی ورسٹی روڈ پر احتجاج کیا گیا۔ صورتحال پر قابو پانے کے لیے پولیس کی بھاری نفری بھی موقع پر موجود تھی۔

دوران احتجاج امیدواروں کی جانب سے نعرے بازی کی گئی، مظاہرین کا کہنا تھا کہ صبح نو بجے ٹیسٹ شروع ہونا تھا اور گیارہ بجے تک طلبا کو کاپیاں ہی نہیں دی گئیں۔