پی پی 180 قصور سے احسن رضا خان اور پی پی 128 جھنگ سے کرنل (ر) غضنفر قریشی نے جاتی امراٗ میں مریم نواز سے ملاقات میں مسلم لیگ ن میں شامل ہونے کا اعلان کیا۔

نامزد وزیراعلیٰ پنجاب مریم نواز نے مسلم لیگ (ن) میں شمولیت پر دونوں ایم پی ایز کا خیرمقدم کیا۔

اس موقع پر گفتگو کرتے ہوئے مریم نواز کا کہنا تھا کہ آپ کی حمایت ملک کو تباہی سے ترقی کی طرف واپس لائے گی۔

ان کا کہنا تھا کہ ہم انتشار ختم کرکے پاکستان کو استحکام کی طرف لے جانا چاہتے ہیں۔

انھوں نے مزید کہا کہ پنجاب کی ترقی اور عوام کو ریلیف دینے کی جامع حکمت عملی تیار کرلی ہے، انشاٗ اللہ ترقی، تعمیر اور عوام کی خوشحالی کی روایت کو نئے جذبے سے آگے بڑھائیں گے۔