چین کے صوبے ژن جیانگ نے اُس وقت سب کی توجہ سمیٹ لی، جب ایک جھیل میں بطخیں برف میں موجود تو تھیں تاہم مردہ حالت میں پائی گئیں۔

ویڈیو میں دیکھا جا سکتا ہے کہ جھیل میں موجود بطخیں جو کہ تعداد میں بھی 1 یا 2 نہیں بلکہ درجن بھر سے زائد تھیں، برف میں دھنسی ہوئی تھیں اور مردہ حالت میں تھیں۔

چینی میڈیا کے مطابق چین میں اس وقت کئی صوبوں میں کولڈ ویو جاری ہے، جس کے باعث کئی علاقوں میں درجہ حرارت منفی 52 اعشاریہ 3 ڈگری تک گر گیا ہے، جس نے 64 سالہ ریکارڈ بھی توڑ ڈالا ہے۔

ایسے میں جہاں انسان متاثر ہو رہے ہیں، جانور اور چرند پرند بھی شدید متاثر ہوئے ہیں، اس ویڈیو میں بھی یوں معلوم ہو رہے ہے کہ یہ بطخیں سخت سردی برداشت نہ کر سکیں اور چل بسیں۔