الیکشن کمیشن نے اسلام آباد ہائیکورٹ کے حکم پر 11 جنوری کو کامیاب امیدواروں کے نوٹیفکیشنز معطل کیے تھے تاہم جمعے کے روز معطل کیے گئے نوٹیفکیشز کو بحال کر دیا گیا۔

ای سی پی کے مطابق الیکشن ایکٹ 2017 کی شق 98 ون کے تحت کامیاب امیدواروں کے نوٹیفکیشنز بحال کیے گئے۔

الیکشن کمیشن نے این اے 46 سے ن لیگ کے انجم عقیل، این اے47 سے طارق فضل چوہدری جبکہ این اے 48 سے راجہ خرم نواز کی کامیابی برقرار رکھی۔

میڈیا سے گفتگو میں طارق فضل چوہدری نے کہا کہ تینوں حلقوں کے حوالے پروپیگنڈا کیا جاتا رہا، فراڈ اور پروپیگنڈا سے پی ٹی آئی نے نوٹیفیکیشنز رکوائے، ہم آج اپنے فارم 45 لائے ہیں، اب عدالتوں نے ثابت کرنا ہے کہ کس کے فارم 45 اصلی ہیں؟۔

ان کا کہنا تھا کہ پہلے کہتے تھے سازش میں ملوث آج مدد مانگ رہے ہیں، آپ نے نوجوانوں کو گمراہ کیا آج ان کا ٹرائل ہورہا ہے۔

راجہ خرم نواز نے مخالفین کو عدالتوں سے رجوع کرنے کا مشورہ دیتے ہوئے کہا کہ آر او آفس نے کسی کو نہیں روکا، ان کا راستہ ہم سب نے روکنا ہے۔

انجم عقیل نے کہا کہ سازش کے ذریعے ایک سیاسی پارٹی بنائی گئی، کبھی کہتے ہیں امریکا نے ہمیں پارلیمنٹ سے نکالا کبھی آئی ایم ایف کو کہتے ہیں کہ قرضہ نہ دو، ہم پانچ سال حکومت کریں گے۔

رہنماوں نے آئی ایم ایف کے حوالے سے تحریک انصاف کے بیان کی مذمت بھی کی۔

واضح رہے کہ عام انتخابات 2024 میں اسلام آباد کے حلقے این اے 47، این اے 46 اور این اے 48 سے مسلم لیگ ن کے امیدوار کامیاب ہوئے تھے، این اے 47 سے مسلم لیگ ن کے امیدوار ڈاکٹر طارق فضل چوہدری، این اے 46 سے مسلم لیگ ن کے امیدوار انجم عقیل کامیاب ہوئے تھے جبکہ مسلم لیگ ن کے حمایت یافتہ آزاد امیدوار راجا خرم نوار کامیاب ہوئے تھے۔

تحریک انصاف کے امیدواروں نے لیگی امیدواروں کی کامیابی کو اسلام آباد ہائیکورٹ میں چیلینج کیا تھا، عدالت نے تینوں لیگی امیدواروں کی کامیابی کے نوٹیفکیشن معطل کردیے تھے جو اب الیکشن کمیشن نے بحال کردیے ہیں۔

مزید پڑھیں

اسلام آباد کی تینوں قومی نشستوں پر پی ٹی آئی مخالف امیدواروں کے نوٹی فکیشن معطل

این اے 46، 47 اور 48 میں مبینہ دھاندلی کیس: اسلام آباد ہائیکورٹ نے درخواستیں نمٹا دیں