پیپلزپارٹی کے 3 سینیٹرز عام انتخابات میں کامیابی کے بعد اسمبلی رکنیت کا حلف ابھی نہیں اٹھائیں گے۔

ذرائع کے مطابق پیپلز پارٹی قیادت نے 3 سینیٹرز کو قومی اور صوبائی اسمبلی کی رکنیت کا حلف اٹھانے سے روک دیا۔

ذرائع کے مطابق پیپلزپارٹی نے سینیٹر یوسف رضا گیلانی کو فی الحال رکن قومی اسمبلی کی حیثیت سے حلف اٹھانے سے روکا ہے جبکہ سینیٹر نثار احمد کھوڑو اور سینیٹر جام مہتاب ڈہر کو بھی سندھ اسمبلی کی رکنیت کا حلف اٹھانے سے بھی روک دیا ہے۔

ذرائع کا کہنا ہے کہ پیپلزپارٹی قیادت نے یہ فیصلہ سینیٹ انتخابات میں عددی اکثریت برقرار رکھنے کے لیے کیا ہے۔