کراچی میں جی ڈی اے کے مرکز میں گرینڈ ڈیموکریٹک الائنس اور اس کی حلیف جماعتوں کا اجلاس ہوا۔ جس میں سندھ اسمبلی کے باہر احتجاج کا فیصلہ کیا گیا۔

اس اجلاس میں پی ٹی آئی، جماعت اسلامی، پی ٹی آئی اور جے یو آئی سمیت دیگر جماعتوں کے نمائندوں نے شرکت کی۔

اجلاس کے بعد پریس کانفرنس کرتے ہوئے سندھ میں اپوزیشن جماعتوں نے انتخابات میں مبینہ دھاندلی کیخلاف اسمبلی اجلاس میں حلف نہ اٹھانے اور احتجاج کا اعلان کیا۔

جی ڈی اے رہنما صفدرعباسی اور پی ٹی آئی کے حلیم عادل شیخ نے کہا کہ صوبے کے چھ کروڑ عوام کے حق پر ڈاکا ڈالا گیا ہے۔

امیر جماعت اسلامی کراچی حافظ نعیم الرحمان کا کہنا تھا کہ ایم کیوایم مسترد کی ہوئی پارٹی ہے۔

انھوں نے کہا کہ الیکشن میں ووٹ تحریک انصاف اور جماعت اسلامی کو پڑے ہیں۔

جے یو آئی کے راشد سومرو نے کہا کہ سندھ بھر کے کارکان سندھ اسمبلی پہنچیں گے۔

جی ڈی اے اور دیگر سیاسی جماعتوں نے آئندہ کا لائحہ عمل طے کرنے کیلئے کمیٹی بنانےکا بھی اعلان کیا۔