اس حوالے سے پاکستانی حکام کو کوئی سرکاری بیان اب تک سامنے نہیں آیا ہے اور نہ ہی آج نیوز اس دعوے کی آزادانہ طور پر یا اعلیٰ حکام سے تصدیق کرسکا۔

بھارتی میڈیا نے آپریشن کے حوالے سے کسی مخصوص مقام یا علاقے کا ذکر نہیں کیا، تاہم یہ ضرور بتایا کہ آپریشن جس جماعت کے خلاف کیا گیا اس کا ہیڈ کوارٹر بلوچستان کے علاقے سیستان میں موجود ہے۔

واضح رہے کہ حالیہ دعویٰ ایسے وقت میں کیا گیا ہے جب دونوں ممالک ایک دوسرے کے خلاف کارروائیوں اور فضائی حملوں کے ایک ماہ بعد بھی ’غلط فہمیاں‘ دور کر رہے ہیں۔

قابل ذکر بات یہ ہے کہ پاکستان میں حالیہ عام انتخابات کے اختتام کے بعد اس طرح کا یہ پہلا واقعہ ہے۔

بھارتی میڈیا کے مطابق 2012 میں قائم ہونے والی جیش العدل کو ایران نے ”دہشت گرد“ تنظیم کے طور پر نامزد کیا ہے، یہ ایک سنی دہشت گرد گروہ ہے جو ایران کے جنوب مشرقی صوبے سیستان بلوچستان میں سرگرم ہے۔

اس گروپ کی ایرانی سکیورٹی فورسز کے خلاف حملے کرنے کی تاریخ ہے۔

پاکستانی فضائی حملوں کے بعد دونوں ممالک نے باہمی طور پر سیکورٹی تعاون کو بڑھانے پر اتفاق کیا تھا۔

16 جنوری کو ایران نے پاکستان کی حدود میں فضائی حملہ کیا تھا جس کے بعد پاکستان نے اپنا سفیر واپس بلا لیا تھا۔

18 جنوری کو، پاکستان نے جوابی کارروائی کی اور یہ کہتے ہوئے فضائی حملے کیے کہ اس نے ’دہشت گرد عسکریت پسند تنظیموں‘ پر حملہ کیا۔