لاہور میں میڈیا سے گفتگو کرتے ہوئے رانا آفتاب احمد نے کہا کہ دہرا معیار ہے کہ خیبرپختونخوا میں اجلاس نہیں بلایا جارہا، ہمارے ارکان کو اسمبلی میں نہیں آنے دیا جارہا۔

رانا آفتاب احمد نے کہا کہ ہم بطور احتجاج کل اجلاس میں شامل ہوئے، ہمارے پاس اچھا نمبر ہے ہم کل سرپرائز دیں گے۔

ان کا کہنا تھا کہ ہم ان کیلئے میدان خالی نہیں چھوڑنا چاہتے، یہ اپنے گھر کے علاوہ کسی کو عہدہ نہیں دے سکتے، اگر ان لوگوں نے ایسا کرنا ہے تو جاتی امرا میں اسمبلی بنالیں۔

رانا آفتاب نے کہا کہ صدر پاکستان نے اچھا پوائنٹ اٹھایا ہے، ابھی ہاؤس مکمل نہیں ہے، ہم بطور احتجاجی اجلاس میں شامل ہوئے ہیں۔