عطا تارڑ نے لاہور میں پریس کانفرنس کرتے ہوئے کہا کہ صدر مملکت پاکستان میں جمہوریت کو نقصان پہنچانے کے لیے تحریک انصاف کے کارکن بنے ہوئے ہیں۔

انہوں نے ایوان صدر کو سازشوں کو گڑھ قرار دیا اور کہا کہ قومی اسمبلی کے ارکان کے نوٹیفکیشن ہوچکے ہیں، صدر مملکت اجلاس بلائیں۔

ان کا کہنا تھا کہ صدرِ مملکت اپنے حلف کی پاسداری نہیں کرسکے، حیران ہوں کہ صدر مملکت قومی اسمبلی اجلاس پر فیصلہ نہ کرسکے اور اجلاس بلانے سے گریزاں ہیں۔

عطا تارڑ کا کہنا تھا کہ صدر مملکت کے بیٹے نے بھارت کے ساتھ ایم او یو پر دستخط کیے، صدرعارف علوی نے دستخط کی تقریب میں شرکت کی، عارف علوی نے اپنے عہدے کا ناجائز فائدہ اٹھایا۔

ان کا کہنا تھا کہ صدر مملکت ہر معاملے پر زمان پارک یا اڈیالہ جیل پہنچ جاتے ہیں، صدر مملکت نے صرف 4 کروڑ کے اثاثے ظاہر کیے ہیں، انہوں نے باقی اثاثے ظاہر کیوں نہیں کیے؟