پاکستان تحریک انصاف کے سینیئر رہنما شوکت یوسف زئی نے ایک وڈیو بیان میں کہا کہ صدر صاحب آپ کسی دباؤ میں نہ آئیں، آئین اور قانون کی روشنی میں فیصلہ کریں، سیاسی و ذاتی مفادات کے لیے مسلم لیگ پیپلز پارٹی اور ایم کیو ایم اکٹھے ہو رہی ہیں۔

انہوں نے کہا کہ مسلم لیگ کو آئین اور قانون اس وقت کیوں یاد نہیں آیا جب نگراں دور میں آئین کی سنگین خلاف ورزیاں ہو رہی تھیں، سنی اتحاد کونسل کو مخصوص نشستیں نہ دینا ائین کی خلاف ورزی ہے۔

شوکت یوسفزئی نے مزید کہا کہ اقتدار کی ہوس نے مسلم لیگ نون کو فیملی پارٹی بنا دیا ہے، مسلم لیگ نون صرف اقتدار کا انتظار کر رہی ہے اقتدار نہ ملا تو یہ پھر بھاگ جائیں گے۔

پی ٹی آئی رہنما کا کہنا تھا کہ ملک قرضوں سے نہیں معاشی نظام کو درست کرنے سے ترقی کرتا ہے، آئی ایم ایف صرف قرضہ دے سکتی ہے کیا تم چاہتے ہو کہ ملک کا نظام بھی ائی ایم ایف سنبھالے۔

مزید پڑھیں

صدر مملکت نومنتخب قومی اسمبلی کے اجلاس میں رکاوٹ بن گئے

صدر نے اسمبلی کا اجلاس نہ بلوا کر آئین سے روگردانی کی، اعظم نذیر تارڑ