لاہور ہائیکورٹ کے جسٹس شہرام سرور چوہدری نے شازمہ چیمہ کی درخواست پر سماعت کی، درخواست میں حکومت پنجاب سمیت دیگر کو فریق بنایا گیا۔

عدالت میں پولیس کی جانب سے رپورٹ جمع کروا دی گئی، رپورٹ کے مطابق 7 مقدمات لاہور میں 4، فیصل آباد میں 11 اور راولپنڈی اور اٹک میں 1،1 مقدمہ درج ہے۔

درخواست گزار کے وکیل آصف شہزاد نے بتایا کہ جناح ہاؤس حملہ کیس کے 2 مقدمات میں دونوں ملزم بتائے گئے ہیں جبکہ ایک مقدمے میں دونوں میاں بیوی اور دوسرے میں صرف مسرت جمشید چیمہ نامزد ہے۔

درخواست میں کہا گیا کہ خدشہ ہے کہ پولیس ابھی بھی درست تفصیلات فراہم نہیں کر رہی، پولیس کو تفصیلی اور درست تفصیلات فراہم کرنے کا حکم دیا جائے۔

عدالت نے پولیس رپورٹ کو مسترد کرتے ہوئے دوبارہ تفصیلی رپورٹ پیش کرنے کا حکم دے دیا اور سماعت 8 مارچ تک ملتوی کردی۔