لاہور میں شعبہ صحت سے متعلق اجلاس میں گفتگو کرتے ہوئے مریم نوازنے کہا کہ غریب آدمی کو کینسر کےعلاج کی بہترین سہولتیں فراہم کرنے کےلئے خصوصی اسپتال قائم کیا جائے گا۔

انھوں نے کہا کہ عوام کو صحت کی سہولتیں ان کی دہلیز پر دینے کے لئے پائلٹ پراجیکٹ لاہور سے شروع کیا جائےگا۔

مریم نواز نے افسران کو ہدایت کی کہ کوئی اسپتال ایسا نہ ہو جہاں ڈاکٹر، عملہ، ادویات اور مطلوبہ طبی آلات میسر نہ ہوں۔ اسپتالوں میں عوام کی رہنمائی کے لئے اردو سائن بورڈز اورفرشی ایرو لائننگ لگائے جائیں۔

وزیر اعلیٰ نے شفافیت یقینی بنانے کےلئے ہیلتھ ایڈوائزری کونسل تشکیل دینے کی بھی ہدایت کی۔

مریم نواز نے عوام کو مفت ادویات کی فوری فراہمی یقینی بنانے کی منظوری بھی دی۔

اجلاس میں ہر ضلع میں ہارٹ، کینسر اور دیگر بیماریوں کے علاج کے لئے میڈیکل سینٹر کے قیام کے لئے تجاویز کا بھی جائزہ لیا گیا۔