پولیس کے مطابق ملزم نے اتوار کی شام دوران تفتیش وائرلس روم میں خود کشی کی۔ ملزم شہزاد ولد نیاز محمد پشاور شبقدر کا رہائشی ہے۔

لاش کو پوسٹ مارٹم کے لئے ٹی ایچ کیو شبقدر منتقل کیا گیا۔

ابتدائی طور پر پولیس کے اعلی حکام کی جانب سے ملزم کی خود کشی کے حوالے سے کوئی معلومات فراہم نہیں کی گئیں۔

ذرائع نے اطلاع دی ہے کہ ملزم کے پیٹ پر ایک زخم کا نشان موجود ہے، کوئی فائر کا نشان نہیں ہے تاہم پولیس حکام نے اس دعوے کی تصدیق یا تردید نہیں کی ہے۔

پوسٹ مارٹم رپورٹ سے اصل حقائق معلوم ہوسکیں گے کہ موت کی اصل وجہ کیا ہے۔