اکثر خواتین ، بالخصوص ٹین ایجرز انہیں دور کرنے کے لئے مہنگی مہنگی کریموں اور لوشن کا سہارا لیتی ہیں ،مگر خاطرخواہ نتائج حاصل نہیں کر پاتیں ۔

ایسی خواتین کے لئے خوشخبری ہے کہ اپنے کچن کے اندر موجود سستی سبزی آپ کو اس مسئلے سے نجات دلا سکتی ہے۔اور وہ ہے آلو۔

آلو ان سیاہ حلقوں کو دور کرنے کے لئے ایک موثر ری میڈ ہے۔ اس کے اندر موجود وٹامن سی اور اینٹی آکسیڈنٹ، جلد کو غذا پہنچا کران سیاہ حلقوں کو دور کرنے کے لئے آئیڈیل ہے

آلو آنکھوں کے گرد ہونے والی سوجن کو بھی کم کردیتا ہے ۔ میک اپ کی کئی ایشیائی کمپنیاں اپنی پروڈکٹ میں آلو کو بھی شامل کرتی ہیں۔

آپ اسے کئی طریقوں سے استعمال کر سکتی ہیں ۔

آسان طریقہ یہ ہے کہ ایک آلو کو کاٹ کراس کے پتلے پتلے لمبے ٹکڑے کر لیں اور انہیں آنکھوں کے نیچے رکھ دیں۔ دھیان رکھیں کہ اس کا جوس آنکھوں کے اندر نہ چلا جائے ۔

دوسرا طریقہ یہ ہے کہ پہلے آلووں کو گھس لیں کیونکہ ان کے اندر موجود پانی آنکھوں کے گرد ہونے والی سیاہی کو دور کر دیتا ہے۔

اب ان گھسے ہوئے آلووں کو ایک باریک رومال میں باندھ کر اسے آنکھوں پر رکھ دیں۔

بہرحال آپ جو بھی طریقہ استعمال کریں ،آلووں کواپنی آنکھوں کے گرد پندرہ منٹ تک رہنے دیں ۔بہتر نتیجے کے لئے اس عمل کو ہر روز صبح دہرائیں۔