عدالت عالیہ نے چیئرمین پی ٹی اے کو توہین عدالت کی درخواست پر نوٹس جاری کردیا۔

سندھ ہائیکورٹ نے کہا کہ پی ٹی اے نے ایکس کی بندش سے متعلق کوئی معقول جواز پیش نہیں کیا، ایکس کی بندش پر معقول جواز پیش نہ کیا تو توہین عدالت کی کارروائی ہوگی، چیئرمین پی ٹی اے توہین عدالت کی کارروائی کا خطرہ مول رہے ہیں۔

عدالت نے ایکس کی بحالی سے متعلق جاری حکم امتناع میں توسیع کرتے ہوئے عدالتی احکامات وفاقی حکومت اور پی ٹی اے سمیت دیگر کو ارسال کرنے کا حکم دے دیا۔

سندھ ہائیکورٹ نے کہا کہ وفاق اور پی ٹی اے نے جواب جمع کرانے کے لیے مہلت طلب کی۔

عدالت حکم دیا کہ آئندہ سماعت سے قبل وزارت داخلہ اور پی ٹی اے جواب دیں۔

درخواست گزار نے کہا کہ عدالتی احکامات کے باوجود ایکس کی سروس بحال نہیں کی گئی ہے۔

مزید پڑھیں

’ایکس‘ کی بحالی نئی حکومت پر چھوڑنے کا فیصلہ

پاکستان میں سوشل میڈیا پلیٹ فارمز پر کسی طرح کی پابندی قبول نہیں، امریکا

لگ رہا ہے سوشل میڈیا مینج کیا جارہا ہے اور کون کررہا ہے یہ بھی سامنے آجائے گا: سندھ ہائیکورٹ