اپنے انسٹاگرام اکاؤنٹ پر ثانیہ مرزا کی جانب سے ایک تصویر اپلوڈ کی گئی تھی، جس میں سابق ٹینس اسٹار کا کہنا تھا کہ دپیکا پڈوکون تمہارا شکریہ۔

ساتھ ہی ثانیہ مرزا نے دپیکا پڈوکون کا خط بھی شئیر کیا جس میں اداکارہ کا کہنا تھا کہ خواتین کے عالمی دن کے موقع پر ہم آپ کی کامیابیوں کو منانا چاہتے ہیں۔

اداکارہ کا مزید کہنا تھا کہ جس طرح آپ اپنا خیال رکھتی ہیں، اس پر بھی آپ داد کی مستحق ہیں۔

جبکہ اسی حوالے سے دپیکا پڈوکون نے کہا آپ کے لیے ہم نے ایک Care Package بھیجا ہے، جس میں مختلف جسمانی دیکھ بھال کی اشیاء موجود ہیں۔

دپیکا پڈوکون کی جانب سے ثانیہ مرزا کو مختلف سیلف کئیر کی ممکنہ کریمز اور لوشن بطور تحفہ دیے گئے ہیں۔

جبکہ اداکارہ نے تحفے میں اپنے ہی برانڈ 82E کا انتخاب کیا تھا، جو کہ بیوٹی کریمز اور جلد اور جسم کو بہتر بنانے والی کریمز بناتا ہے۔

اس سے قبل بھی ثانیہ مرزا نے اپنی تصاویر اپلوڈ کی تھیں، جن میں اپنی فیملی کے ہمراہ وقت بتاتی دکھائی دیں، انہوں نے گزشتہ 2 ہفتوں کا ’کیمرہ رول‘ شئیر کیا تھا۔