وزیراعلیٰ مریم نوازسے ملتے ہوئے دکھیاری ماں پھوٹ پھوٹ کررو پڑی، بچی کی والدہ نے بتایا کہ عائشہ سب کا خیال رکھتی،قرض اتارنے کے لئےنوکری کرتی تھی میری بچی روتی ترستی چلی گئی،ظالموں نے ملنے نہیں دیا۔

مریم نواز نے مظلوم خاندان کو دلاسہ دیا کہا میں بھی ماں ہوں آپ کا دکھ سمج سکتی ہوں۔

مریم نواز نے صوبائی وزیرصہیب بھرت کو متاثرہ خاندان سے رابطہ رکھنے،مسائل حل کرنےکی ہدایت کی۔ مریم نواز نے کمشنر کو ہدایت جاری کی کہ بڑی بیٹی کے علاج میں کوئی کسر نہ چھوٹی جائے وزیراعلیٰ مریم نواز نے ملزمان کےخلاف کیس کی پیروی کرنےکی ہدایت بھی کی۔

افسوس ناک واقعہ 28 فروری کو پیش آیا تھا۔ ضلعی پولیس آفیسر فیصل کے مطابق واقعہ کے بعد ملزم جواد بھٹی اہلیہ سمیت فرار ہوگئے تھے۔ ملزم کو حافظ آباد اور اہلیہ کو لاہور سےگرفتارکیاگیا تھا جنھوں نے دوران تفتیش اعتراف جرم بھی کرلیا ہے۔