پی ٹی آئی رہنما تیمور سلیم جھگڑا نے کابینہ میں شامل نہ کرنے پر تحفظات کا اظہار کرنے کے لئے علی امین گنڈا پور سے وزیر اعلیٰ ہاوس میں ملاقات کی۔

ذرائع کے مطابق تیمور جھگڑا سے ہونے والی ملاقات میں علی امین گنڈا پور نے انھیں صاف جواب دیا کہ ’میں نے کابینہ تشکیل نہیں دی بلکہ بانی پی ٹی آئی نے منظوری دی‘۔

انھوں نے مزید کہا کہ بانی پی ٹی آئی کی ہدایت پر آپ کو بھی کابینہ میں شامل کرسکتا ہوں۔

ان کا یہ بھی کہنا تھا کہ بانی چیئرمین کا سپاہی ہوں، وہی کروں گا جو وہ کہیں گے۔