پی ٹی آئی رہنما شیر افضل مروت کی مقدمات خاتمے کے لیے کیس کی سماعت پشاور ہائیکورٹ کے جسٹس اشتیاق ابراہیم اور جسٹس وقار احمد نے کی۔

وکیل درخواست گزار نے عدالت کو بتایا کہ شیر افضل مروت آج سپریم کورٹ میں مصروف ہیں، اس لیے یہاں پیش نہیں ہوسکے۔

جس پر جسٹس اشتیاق ابراہیم نے ریمارکس دئیے کہ شیر افضل مروت کے خلاف اتنے کیسز ہیں، اس لیے ان کو خود پیش ہونا چاہیئے تھا اور اب آئندہ سماعت پر پیش نہ ہوئے تو حکم امتناع کا آرڈر واپس لیں گے کیونکہ عدالت نے ضمانت دی ہے اب یہ پیش نہیں ہورہے ایسا تو نہ کریں۔

عدالت نے آخری موقع دیتے شیر افضل مروت کو آئندہ سماعت 3 اپریل کو پیش ہونے کا حکم دے دیا۔